تحديد جنس الجنين : بين الحقيقة والخرافة

هل في طريقة لتحديد الحمل بالصبي او البنت ؟ 

العد الصيني، توقيت العلاقة، بيكاربونات الصوديوم واللبن ،استخدام بعض انواع الطعام ، الحقن..اكلة او خلطة جديدة…كل هالطرق غير مفيدين لأن ممكن يظبطوا وممكن لاء، بالأخير احتمال تحبلي ب صبي او بنت هوي نفسه ٥٠٪؜.

الطريقة العلمية الوحيدة المضمونة ل تحديد جنس الجنين هيي عبر الحقن المجهري او طفل الانبوب مع اللجوء الى فحص التشخيص الجيني للأجنة قبل الترجيع PGD ، preimplantation genetic diagnosis 

فمنبتدي  بتنشيط المبيض، ومنسحب اكبر عدد بويضات ، منخصبهم مع الsperm وبيتلقحوا وبيصيروا اجنّة بالمختبر ، ومنعمل فحص ل pgd، ومنعرف مين xx يعني بنت , ومين من الأجنّة اخد ل y من الأب يعني صبي (xy).

من أهمّية هيدا الفحص الإضافية انّو بيرفع نسبة الحمل ، لأن منكون  بنفس الفحص عملنا فحص جيني لعدد من إضطرابات الكروموسومات الشائعة متل down syndrome وتأكدنا من سلامة الجنين قبل ما نزرعه بالرحم.

متل ما منلجأ لهالفحص عند بعض العائلات لتحقيق التوازن الاسري في حال وجود عدد من الاطفال من جنس واحد بهالعيلة، 

كذلك منلجأ لهالفحص ك ضرورة طبّية للحمل بالجنين السليم عند وجود امراض وراثية مرتبطة بال x wl y بالعيلة متل ال hemophilia.